रायपुर, पुलिस महानिदेशक श्री डी.एम. अवस्थी के अध्यक्षता म आज पुलिस मुख्यालय नवा रायपुर म महाधिवक्ता कार्यालय के अधिकारी मन के बैठक आयोजित करे गीस। महाधिवक्ता श्री सतीशचंद वर्मा के संग आयोजित बैठक म माननीय उच्च न्यायालय ले संबंधित निर्देश अउ काम मन के समय-सीमा म बेहतर ढंग ले निराकरण करे उपर चर्चा करे गीस। माननीय उच्च् न्यायालय कोति ले जारी संमंस, वारंट के तामिली या वांछित प्रकरण मन के डायरी या कागद समय म सरलग पहुंच सकय, ये दिशा म घलोक विचार-विमर्श करे गीस।
बैठक म अकतहा पुलिस महानिदेशक श्री अशोक जुनेजा अऊ श्री हिमांशु गुप्ता, पुलिस महानिरीक्षक दुर्ग रेंज श्री विवेकानंद सिन्हा, पुलिस महानिरीक्षक रायपुर रेंज श्री आनंद छाबड़ा, वरिष्ठ पुलिस अधीक्षक दुर्ग श्री अजय यादव, वरिष्ठ पुलिस अधीक्षक रायपुर श्री आरिफ शेख, महाधिवक्ता कार्यालय ले अकतहा महाधिवक्ता श्री विवेकरंजन तिवारी, श्री आलोक बक्शी, सुश्री फौजिया मिर्जा, उप महाधिवक्ता श्री मतीन सिद्धिकी, श्री जीतेन्द्र पाली, श्री हरप्रीत अहलुवालिया, श्री देवेन्द्र सिंह, श्री रजनेश बघेल, श्री सुदीप अग्रवाल, श्री घनश्याम पटेल, श्री आदिल मिनाज प्रमुख रूप ले उपस्थित रहिन।
