धमतरी, एक समें रहिस जब बारिश के सेती दू-तीन दिन तक जेन गांव मन म आवागमन मुश्किल हो जात रहिस। आज उहें उच्च स्तरीय पुल बन जाय ले बारिश के मौसम खुसी के पैगाम लेके आवत हे। बात होवत हे, धमतरी ले 20 किलोमीटर दूरिहा भखारा रोड म स्थित ग्राम पंचायत कोर्रा अऊ आस पास लगे गांव मन के। कोर्रा अऊ चरोटा के बीच इहां कुरिया नाला म 120 मीटर लंबा उच्च स्तरीय पुल बनाए गए हे, लोक निर्माण विभाग के सेतु संभाग ह। प्रदेश के मुख्यमंत्री श्री भूपेश बघेल ह जून महिना म एक वर्चुअल कार्यक्रम के समय ये उच्च स्तरीय पुल के लोकार्पण करे रहिन। कुरमातराई-भेण्ड्रा-कोर्रा मार्ग म कुरिया नाला म सात करोड़ 76 लाख रूपिया के लागत ले ये पुल दिसम्बर 2020 म बनकर तियार होए हे।
कुरिया नाला म उच्च स्तरीय पुल ह गांव वाले मन ल देवत हे बारहमासी आवागमन के सुविधा
