कसडोल, गिरौदपुरी के रामलाल होवय या फेर अगासराम। जोंक नदी म पुल नइ होए ले ओ मन ल जब कभू भी सोनाखान म कोनो अपन परिचित मन तीर जाना होत रहिस, तब ओ मन ल अक्सर 12 ले 14 किलोमीटर दूर तक सफर करके दूसर रद्दा ले होके जाना परत रहिस। नदी म पुल नइ होए ले जिहां ओ मन ल लंबा दूरी तय करना परत रहि उहें अपन समय अऊ पैसा घलोक जादा बर्बाद करना परत रहिस।
अब नदी म पुल बन गए हे त सोनाखान ले गिरौदपुरी संग आसपास के कई गांव मन म आवागमन बहुत आसान हो गए हे। मनखे मन आसानी ले अऊ कम खर्च अऊ कम समय म सोनाखान पहुंच सकत हें।
मुख्यमंत्री श्री भूपेश बघेल ह आज शहीद वीर नारायण सिंह जी के जन्म दिवस म कसडोल ब्लॉक के सोनाखान म लोक निर्माण सेतु संभाग रायपुर अंतर्गत 96.62 लाख रुपए के लागत ले निर्मित उच्च स्तरीय पुल के लोकार्पण करिन। बंगलापाली-महराजी मार्ग के अंतर्गत जोंक नदी म 225 मीटर लंबा ये उच्च स्तरीय पुल के बने ले सोनाखान क्षेत्र के मनखे मन ल गिरौदपुरी, मड़वा, गिधौरी, शिवरीनारायण, कटगी, अमोदी संग आसपास के बहुत अकन गांव मन म आए-जाए बर सुविधा होही। उहें शहीद वीर नारायण सिंह जी के जन्म स्थली सोनाखान म घलोक बड़ संख्या म मनखे घूमे-फिरे आथें उहू मल ल सयहोलियत होही। उच्च स्तरीय पुल के निर्माण होए ले सोनाखान अवइया मन ल काफी सहूलियत होही। महराजी तीर एक छोटकुन रपटा जोंक नदी म बने हे, फेर बारिश म ये रपटा के उपर ले पानी बोहथे, जेखर से आवागमन बंद हो जाथे। गिरौद के रामलाल ह बताइस कि पहिली सोनाखान जाय बर ग्राम अर्जुनी ले होके जाना परत रहिस। अब नवा पुल बने ले बंगलापाली, महकम, सोनाखान संग आसपास के बहुत अकन गांव मन म आसानी ले कम दूरी तय करके पहुंचे जा सकत हे। गांव वाले मन ह बताइन कि ग्राम अर्जुनी मार्ग म बने पुल ले होके गुजरे ले करीबन 12 ले 15 किलोमीटर जादा सफर करना परत रहिस, अब नवा पुल ले आवागमन सुविधाजनक हो गए हे।
बंगलापाली-महराजी मार्ग म जोंकनदी म उच्च स्तरीय पुल ले आवागमन होइस आसान
