छत्तीसगढ़ अंजोर विजन 2047 के तहत शिक्षा विभाग के रणनीति म उच्चस्तरीय समीक्षा बैठक
अंजोर विजन के लघु, मध्यम अऊ दीर्घकालीन लक्ष्य मन उपर व्यापक अऊ गहन विमर्श
मुख्यमंत्री ह कहिन — लक्ष्य बड़े हे, ते पाए के कार्ययोजना ठोस होवय अऊ क्रियान्वयन पूरा ईमानदारी ले हो
रायपुर, मुख्यमंत्री श्री विष्णु देव साय ह आज मंत्रालय महानदी भवन म छत्तीसगढ़ अंजोर विजन 2047 के तहत शिक्षा विभाग के लक्ष्य मन के प्राप्ति ल लेके उच्चस्तरीय बैठक करिन। बैठक म उमन साल 2030 तक के लघु अवधि, 2035 तक के मध्य अवधि अऊ दीर्घकालीन लक्ष्य मन उपर विस्तृत चर्चा करिन अऊ अधिकारी मन ल ठोस कार्ययोजना तैयार करके जल्दी अऊ प्रभावी क्रियान्वयन ठउका करे के निर्देश दीन।
मुख्यमंत्री श्री साय ह कहिन के प्रधानमंत्री श्री नरेंद्र मोदी ह विकसित भारत 2047 के लक्ष्य निरधारित करे हें, अऊ इही कड़ी म ‘अंजोर विजन’ के माध्यम ले विकसित छत्तीसगढ़ के लक्ष्य के दिशा म कदम बढ़ाए जात हे। उमन कहिन के ए लक्ष्य मन के प्राप्ति के सबले सशक्त आधार शिक्षा हे, काबर के दक्ष, कुशल अऊ स्मार्ट लइका ही भविष्य के चुनौती मन के सामना करे म सक्षम होही। मुख्यमंत्री ह ये घलोक बताइन के प्रदेश म गुरूजी मन के संख्या राष्ट्रीय औसत ले बेहतर हे अऊ सरकारी स्कूल मन म गुणवत्तापूर्ण शिक्षा उपलब्ध कराए जात हे। बैठक के समय स्कूल शिक्षा विभाग के सचिव ह प्रस्तुतीकरण के माध्यम ले जम्मो जानकारी मुख्यमंत्री के संग साझा करिन।
बैठक म स्कूल शिक्षा मंत्री श्री गजेंद्र यादव, मुख्य सचिव श्री विकास शील, छत्तीसगढ़ माध्यमिक शिक्षा मंडल के अध्यक्ष श्रीमती रेणु पिल्लै, मुख्यमंत्री के प्रमुख सचिव श्री सुबोध कुमार सिंह, मुख्यमंत्री के सचिव श्री राहुल भगत, स्कूल शिक्षा विभाग के सचिव श्री सिद्धार्थ कोमल परदेशी, महिला अऊ बाल विकास विभाग के सचिव श्रीमती शम्मी आबिदी, सामान्य प्रशासन विभाग के सचिव श्री रजत कुमार संग स्कूल शिक्षा विभाग के वरिष्ठ अधिकारीगण उपस्थित रहिन।
लइका मन के भविष्य ल स्वर्णिम बनाए के महती जिम्मेदारी शिक्षा विभाग म – मुख्यमंत्री श्री विष्णु देव साय
