दर्दनाक हादसा: पुलिया ले नीचे गिरिस तेज रफ्तार बाइक, पति-पत्नी के मउत, 5 साल के लइका बाल-बाल बचिस

कांकेर, 12 जुलाई 2020। छत्तीसगढ़ के कांकेर जिला म दर्दनाक सड़क हादसा होय हे. तेज रफ्तार बाइक अनियंत्रित होके पुल के नीचे गिरगे. ये हादसा म पुलिस आरक्षक अउ ओखर पत्नी के मउका म ही मउत होगे हे, जबकि 5 साल के लइका बाल-बाल बचगे हे. माता-पिता के मउत के बाद घायल लइका शव के तिर बइठ के रोवत-बिलखत रिहिस. घटना जिला के नेशनल हाइवे 30 म स्थित ग्राम बाबू कोहका के तिर के हे. जानकारी के अनुसार जिला के लोहत्तर थाना म तैनात आरक्षक सुकदेव मरकाम कांकेर ले अपन परिवार के संग बाइक म चारामा जावत रिहिस. इही बीच बाइक अनियंत्रित होके बाबू कोहका गांव के तिर पुल म टकरात हुए नीचे गिरगे. हादसा अतना भयावह रिहिस कि घटना स्थल म पुलिस जवान अउ पत्नी के मउत होगे.