रायपुर, 13 जुलाई 2020। प्रदेश के राजधानी रायपुर म लगातार सड़क दुर्घटना मन बढ़त जावत हे. सोमवार के रिंग रोड स्थित उद्योग भवन के तिर तेज रफ्तार ट्रेलर ह पैदल चलत एक राहगीर ल अपन चपेट म ले लिस. जेखर ले ओखर मउका म मउत होगे. हादसा अतना भयावह रिहिस कि राहगीर के सर पूरा तरह ले चकनाचूर होगे. घटना खम्हारडीह थाना इलाका के हे. हादसा के सूचना के बाद घटना स्थल म खम्हारडीह पुलिस पहुंचगे हे अउ शव ल सड़क ले उठा के पोस्टमार्टम बर भेज दे हे. मृतक के पहिचान नई हो सके हे. उहँचे आरोपी ट्रेलर चालक राकेश सूर्यवंशी ल पुलिस ह गिरफ्तार कर ले हे.
राजधानी म तेज रफ्तार ट्रक ह राहगीर ल रौंदिस, मउका म होगे मउत
