अंबिकापुर, 08 अप्रैल 2020। जिला के दर्रीडिह गांव ले दुखद खबर आगु आवत हे। खबर हे कि बिजली तार मेंटेनेंस के बेरा करेंट के चपेट म आये ले लाइनमैन समेत दू लोगन के मौका म ही मउत होगे। बताये जावत हे कि मेंटेनेंस के बेरा केवी तार टूट के लाइनमैन अउ एक अन्य कर्मचारी के ऊपर गिरगे, जेखर ले उमन के मउत होगे। फिलहाल मामला के सूचना मिले ले मौका म पहुंचे पुलिस मर्ग कायम करके शव पीएम बर भेज आगु के कार्रवाई करत हे।
ये पूरा मामला रघुनाथ चौकी थाना क्षेत्र के बताए जावत हे, जहां दर्रीडिह गांव म बिजली तार मेंटेनेंस के काम चलत हे। वहीं, आज मेंटेनेंस के बेरा 11 हजार केवी के तार टूट के मेंटेनेंस कार्य म लगे लाइनमैन अउ एक अन्य के ऊपर गिरगे । ये हादसा म दुनो झन के मौका म ही मउत होगे।