रायपुर, 31 दिसम्बर 2020। छत्तीसगढ़ माध्यमिक शिक्षा मंडल के हायर सेकेण्डरी अऊ हायर सेकेण्डरी व्यावसायिक पूरक परीक्षा के परिणाम 30 दिसंबर के घोषित कर देहे गए हे। परीक्षा परिणाम मंडल के वेबसाइट www.cgbse.nic.in म उपलब्ध हे।
छत्तीसगढ़ माध्यमिक शिक्षा मंडल के सचिव ले प्राप्त जानकारी के अनुसार हायर सेकेण्डरी पूरक परीक्षा 2020 म कुल 36 हजार 869 परीक्षार्थी सम्मिलित होइस, जेमां ले 36 हजार 758 परीक्षार्थी मन के परीक्षा परिणाम घोषित करे गीस। घोषित परिणाम म ले कुल 27 हजार 704 परीक्षार्थी उत्तीर्ण होइस जोन कुल परीक्षार्थी मन के 75.36 प्रतिशत हे। उत्तीर्ण परीक्षार्थी मन म 4342 छात्र प्रथम श्रेणी, 22 हजार 165 द्वितीय श्रेणी अऊ 1196 छात्र तृतीय श्रेणी म उत्तीर्ण होइस। इही तरह हायर सेकेण्डरी व्यावसायिक पूरक परीक्षा 2020 म कुल 87 परीक्षार्थी शामिल होइस जेमां ले 86 परीक्षार्थी मन के परीक्षा परिणाम घोषित करे गीस। कुल घोषित परिणाम म 72 परीक्षार्थी उत्तीर्ण होइस जोन कुल परीक्षार्थी मन के 83.72 प्रतिशत हे।
