-छत्तीसगढ़ सरकार के प्रयास ले, मैना संरक्षण अउ संवर्धन ल मिलिस बढ़ावा, स्थानीय युवा मन ल प्रशिक्षित कर के बनाए गइस मैना मित्र
– जेन लईका मन के हाथ म पहिली रहिस गुलेल, अब ओमा दिखत हे दूरबीन
कांगेर घाटी राष्ट्रीय उद्यान के मैना मित्र अउ वन विभाग के फ्रंट लाइन स्टाफ के सरलग प्रयास ले अब बस्तर पहाड़ी मैना के संख्या म बढ़ोतरी होए ले तिर तखार के गांव मन म घलो मैना के मीठ बोली ह गूंजन हवय। जानकारी रहय कि छत्तीसगढ़ के राजकीय पक्षी पहाड़ी मैना के प्राकृतिक रहवास कांगेर घाटी राष्ट्रीय उद्यान हर ही हे। इहां लगभग एक साल ले स्थानीय समुदाय के युवा मन प्रशिक्षण दे के मैना मित्र बनाए गए हे। मुख्यमंत्री श्री भूपेश बघेल के मंशा के अनुरूप अउ वन मंत्री श्री मोहम्मद अकबर के कुशल मार्गदर्शन म वन विभाग के पहल म मैना मित्र पहाड़ी मैना के संरक्षण अउ संवर्धन ब लगातार प्रयासरत हवय अउ अब ओमन के मेहनत रंग लावत हे।
