हिन्दुस्तानी शास्त्रीय संगीत म किशन अऊ कन्हैया आइस पहला

रायपुर, राज्य स्तरीय युवा महोत्सव के तीसरइया दिन पं. दीनदयाल उपाध्याय ऑडिटोरियम म आयोजित हिंदुस्तानी शास्त्रीय संगीत प्रतियोगिता म राजनांदगांव जिला के श्री किशन कुमार अऊ कोरबा के श्री कन्हैया लाल वैष्णव अपने-अपने वर्ग म पहिली स्थान म रहिन। कर्नाटक शास्त्रीय संगीत म 15 ले 40 साल आयु वर्ग म बिलासपुर के सुश्री व्ही.सी.आर.एल. वैष्णवी पहिली स्थान म रहीस।
दुनो वर्ग म आयोजित हिंदुस्तानी शास्त्रीय संगीत म 15 ले 40 साल आयु वर्ग म राजनांदगांव जिला के श्री किशन प्रकाश ह पहिली, सरगुजा के श्री कुंदन मिश्रा ह दूसर अऊ बालोद जिला के सुश्री बरखा गौर ह तीसर स्थान पाईस। उहें 40 साल ले जादा आयु वर्ग म कोरबा के श्री कन्हैया लाल वैष्णव पहिली, कोरिया के श्री नंदलाल दूसर अउर कबीरधाम जिला श्री जलेश चंद्रवंशी तीसर स्थान म रहिस।