हाइवा ह बाइक ल मारिस टक्कर, पूर्व सरपंच के मउत

बालोद, 8 मार्च 2021। जिला के डौंडी ब्लाक के ग्राम पंचायत चिखली के पूर्व सरपंच कोमल सिंह कुंजाम के सड़क दुर्घटना म मउत होगे. घटना दल्लीराजहरा डौंडी पहुंच मुख्य मार्ग के पास डड़सेना पुलिया के आगु के हे. माइंस के एक हाइवा ह बाइक सवार कोमल सिंह कुंजाम ल जोरदार टक्कर मार दीस, जेखर ले ओखर सिर म अब्बड़ चोट लगे ले घटना स्थल म ही दम तोड़ दीस, टक्कर अतना भयावह रहिस कि बाइक के परखच्चा उड़ गए. सूचना मिलत ही दल्लीराजहरा पुलिस ह शव के पंचनामा बनाके पोस्टमार्टम बर चीर घर भेज दीस. उहें मामला के जांच करत हुए हाइवा वाहन चालक के खिलाफ अपराध दर्ज करके आगु के कार्रवाई करे जावत हे.