कोरबा, 6 नवम्बर 2020। जिला के बांगो थाना क्षेत्र अंतर्गत ग्राम चोटिया के लमना के पास बीते रात बस अउ ट्रक के बीच आमने सामने ज़ोरदार भिड़ंत होगे। मिले जानकारी के अनुसार बस बिलासपुर के डाहर ले आवत रिहिस उहीं बेरा म अचानक अंबिकापुर के डाहर ले आत भूसा ले भरे ट्रक अउ बस म आमने-सामने जबरदस्त भिड़ंत होगे। ट्रक क्रमांक CG10AD6400 के चालक के मउका म मउत होगे। ट्रक के क्लीनर ल गंभीर चोट आय हे। बस क्रमांक CG10G1433 म सवार लगभग 20 लोगन घायल होय हे। जेमा ले आठ लोगन के हालत गंभीर बताय जावत हे। घायल मन ल स्थानीय सामुदायिक स्वास्थ्य केन्द्र पोडीउपरोडा म भर्ती कराया गेहे।
गुरतुर गोठ बर- भीषम वर्मा