शराब पीये के दौरान होइस विवाद, संगवारी मन ह मिलके कर दीस संगवारी के हत्या, लाश नहर म फेंकीन

धमतरी, 25 नवम्बर 2020। जिला के कुरुद थाना इलाका के कन्हारपुरी गांव के पास नहर म बुधवार बिहनिया लोगन मन ह एक अज्ञात लाश ल नहर म तैरत हुए देखीस। इलाका म लाश मिले ले सनसनी फैल गए। लाश ल पुलिस ह ग्रामीण मन के सहयोग ले बाहर निकालीस। मृतक के नाम भूपेंद्र साहू बताय जावत हे। थाना प्रभारी रामनरेश सेंगर ह बतइस कि चार संगवारी मंगलवार के संझा शराब पीये बर बैइठे रिहिस। कोनो बात ल लेके उंखर बीच विवाद हो गए अऊ 3 लोगन ह पत्थर ले भूपेंद्र के हत्या करके लाश ल नहर म फेंक दीस। पुलिस ह मामला म एक युवक ल हिरासत म लेहे हे अऊ दु फरार हे। उंखर तलाश पुलिस करत हे। पुलिस ह बतइस कि चारों के खिलाफ कई बार बानगर जनप्रतिनिधी मन के डाहर ले शिकायत घलो मिल चुके हे।

गुरतुर गोठ बर- भीषम वर्मा