मुख्यमंत्री ह प्रदेशवासी मन ल होली के दीन बधाई

रायपुर, मुख्यमंत्री श्री भूपेश बघेल ह प्रदेशवासी मन ल रंग के परब होली के बधाई अऊ शुभकामना देहे हें। श्री बघेल ह ये बेरा म सबो नागरिक मन बर सुख, समृद्धि अऊ खुशहाली के कामना करे हें। होली के पहिली संझा म जारी अपन शुभकामना संदेश म मुख्यमंत्री ह कहे हें कि होली उछाह अऊ उमंग के तिहार ये। ये रंग, खुसी अऊ मेल मिलाप के घलोक तिहार ये। ये दिन ऊंच-नीच, छोटे-बड़े, जात-पात ले परे सबो मनखे आपसी स्नेह के रंग म सराबोर नजर आथें। ये दिन मनखे मन के बीच खुसी बांटे के हे। कोरोना अड़बड़ कम हो गए हे, फेर बचाव म ही सुरक्षा हे। कोरोना गाईड लाइन के पालन करत तिहार मनावव। उमन सबो मनखे मन ले सुरक्षित अऊ पर्यावरण के अनुकूल होली मनाए के अपील करे हें।