रायपुर, 8 मार्च 2020। मुख्यमंत्री श्री भूपेश बघेल ह प्रदेशवासी मन ल होली पर्व के बधाई अऊ शुभकामना दीन। उमन अपन संदेश म कहे हें के ये तिहार बुराई उपर अच्छाई के जीत के तिहार ये। संगेच रंग म रंग मिलाए के माने हर मनखे के बीच समन्वय, सद्भाव अऊ सौहार्द्र के तिहार ये। श्री बघेल ह प्रदेश के सुख, समृद्धि अऊ खुशहाली के कामना करे हें। उमन कहिन कि होली उत्साह अऊ उमंग के तिहार हे। होली के तिहार हमार जीवन ल खुशी के रंग ले सराबोर कर देथे। ये हमला आपसी भाईचारा अऊ सौहार्द बढ़ाए के अवसर देथे। ये पावन पर्व हमला सिखाथे के हम अपन अहंकार, बुराई अऊ जम्मो नकारात्मता मन ल होलिका के अग्नि म भस्म करके सबके सुख अऊ आपसी समरसता के दिशा म आगू बढ़न। मुख्यमंत्री ह मनखे मन ले सुरक्षित, सौहार्दपूर्ण अऊ पर्यावरण के अनुकूल होली मनाए के अपील करे हें।
मुख्यमंत्री ह प्रदेशवासी मन ल दीन होली के शुभकामना
