जलेबी रंग के नाम म जहर ल झन बेंचव रे : दुरूग जिला के होटल-बासा मन म जांच

दुर्ग, 22 मार्च 2023/ कलेक्टर सुश्री ऋचा प्रकाश चौधरी के हुकुम के मुताबिक अउ मुख्य चिकित्सा अउ स्वास्थ्य अधिकारी पदेन उपसंचालक खाद्य अउ औषधि प्रशासन जिला दुर्ग डॉ. जे.पी. मेश्राम के बताए सुलाह म जिला के खाद्य सुरक्षा अधिकारी मन ल तिहारी सीजन ल देखत, जिला केमिष्ठान अउ खाद्य पदार्थ के विक्रेता मन के दुकान म जांच करके मिठई मन के गुणवत्ता के जांच करे गीस।
खाद्य सुरक्षा अधिकारी ले मिले जानकारी के मुताबिक15 मार्च 2024 ले 21 मार्च 2024 तक मेसर्स अग्रवाल मिष्ठान भण्डार दुर्ग ले खाद्य पदार्थ मावा अऊ बारीक बूंदी लड्डू अउ मेसर्स शिवा किराना कुम्हारी ले बेसन अउ मैदा, मेसर्स बैकोलॉजी बेकर्स अउ स्वीट्स कोहका भिलाई ले बेसन लड्डू, तृप्ति मिष्ठान, हटरी बाजार दुर्ग ले मथुुरा पेडा अउ केसर टिक्की अउ मेसर्स तोतामल जेठामल किराना भिलाई-03 ले हरेली राईस ब्रान तेल के नमूना सकेल के जांच बर खाद्य परीक्षण प्रयोगशाला भेजे गए हे। जिला म संचालित होलसेल किराना इंदिरा मार्केट, हटरी बाजार म संचालित मेसर्स अशोक ट्रेडिंग कंपनी, किशन लाल एण्ड संस, बाकलीवाल एंटरप्राईजेस, जनता किराना स्टोर्स, शमशुद्दीन जैम मोहम्मद, जे.के. प्रोव्हीजन स्टोर्स, सदाणी प्रोव्हीजन स्टोर्स, पंकज ट्रेडर्स, नेमीचंद पंकज कुमार जैन, लालचंद किराना स्टोर्स अउ जयमाता दे ट्रेडर्स के संग संग पावर हाउस होलसेल मार्केट म संचालित मेसर्स कांतीलाल किराना मर्चेंट, ज्योति इंटरप्राईजेस, शिवशक्ति ट्रेडर्स, अनमोल ट्रेडर्स, हरयाणा ट्रेडर्स, उत्तम किराना, पापुलर किराना, ओम किराना अउर जनरल स्ट्रोर्स, पारख सुपर बाजार रिसाली, शिव किराना अउ किर्तन किराना कुम्हारी म उदुपहे जांच करे गीस।
जांच के समय पाए गए गाय छाप अखाद्य रंग के जिनिस ल मौका म ही नष्टीकरण कराए गीस अउ जलेबी रंग बोल के अखाद्य रंग ल भविष्य म झन बेचे बर ताकीद करे गीस। विभाग कोति ले संचालित चलित खाद्य परीक्षण प्रयोगशाला के माध्यम ले सरलग व्यवसाई अउ उपभोक्ता मन ल कई ठन खाद्य पदार्थ अउ नास्ता आदि परोसे बर अखबारी कागज अउ अखाद्य रंग के उपयोग करे म कार्यवाही करे जात हे।