रइपुर, 7 मई 2021 शुकवार। मुख्यमंत्री दाउ भूपेश बघेल कहीन कि गंवई डाहर होम आइसोलेशन मरीज मन के एकदमे सावचेेत होके सरलगग मॉनिटरिंग करे जाय। अइसन मरीज मन के स्वास्थ्य म गिरावट होए म तुरतेे अस्पताल म भर्ती करे बेवस्था करैंं। अधिकारी मन समे-समे म निजी अस्पताल मन के जांच करयं। मरीज मन ल डॉ. खूबचंद बघेल स्वास्थ्य योजना अउ आयुष्मान योजना के लाभ तकोे देवावयं। मुख्यमंत्री आज अपन रायपुर घरू कार्यालय ले वर्चुअल बइठका म रइपुर, दुरूग अउ सरगुजा संभाग के 9 जिला के 18 विकासखण्ड म कोरोना संक्रमण केे स्थिति, बचाव अउ रोकथाम के उपाय, कोविड टीकाकरण के बढवार, मरीज मन के इलाज के बेेवस्था, क्वारेंटाइन सेंटर, आइसोलेशन के बेेवस्था, कोविड जांच के समीक्षा कर रिहिनेे । येे बेेरा म ओेमन विकासखण्ड स्तर म पदस्थ अधिकारी मन ल ये आशय के निर्देश दीन।
मुुख्यमंंत्री कहीन कि रइपुर अउ दुुरूग संभाग म स्थिति नियंत्रण म आईस हे, तभों अभी अबड़ अकन करे के हावय। बाहिर ले अवइया, बर बिहाव अउ लापरवाही के सेति गंवई डाहर कोरोना बाढ़िस हे। अइसन म अधिकारी लोगन ले कोरोना के बचाव के गाइडलाइन के कड़ई ले पालन करावयं ।
मुख्यमंत्री ह कहीन कि प्रदेश म ऑक्सीजन बेड, आईसीयू बेड, वेंटीलेटर बेड के संख्या बाढ़ गे हे, डॉक्टर मन के संगे-संग स्टाफ के बेवस्था तको करे गे हे। समीक्षा बइठका म गंवई क्षेत्र के अधिकारी मन बताइन कि एति अस्पताल मन म सामान्य बेड के संग-संग ऑक्सीजन बेड, आईसीयू बेड खाली हे। दवई मन तको पर्याप्त स्टॉक हावय। मितानिन मन ले कोरोना लक्षण के मरीज मन ल दवई किट बंटवावत हवन। मुख्यमंत्री ह कहीन कि हमन एहू धियान रखना हे कि होम आइसोलेशन के मरीज कोरोना गाइडलाइन के पालन करत हे कि नहीं,उन्कर ले सरलग संपर्क बनाए रखना हेे, उन्कर ऑक्सीजन स्तर देखना हे,ताकि समय रहिते अस्पताल म भर्ती कराए जा सकय।
गंवई क्षेत्र म झोला छाप डॉक्टर मन के मरीज अउ उन्कर के इलाज के जानकारी क्षेत्र के चिकित्सा अधिकारी के तीरन राहय, ताकि मरीज मन के कोविड प्रोटोकॉल के तहत सही इलाज करे जा सकय।
जिहां खदान हे ,फैक्ट्री हे उहां कोरोना गाइडलाइन के कड़ई ले पालन होवय। श्रमिक मन के जांच करके संक्रमण होए म उन्कर इलाज करे जाय । बेमेतरा अउ बिलाईगढ़ ले 20 ले 40 बछर के आयु वर्ग के लोगन म संक्रमण बाढ़े के जानकारी म मुख्यमंत्री कहीन कि उन मन ल समझाके उंकर ले कोरोना गाइडलाइन अउ लॉकडाउन के नियम के कड़ई ले पालन करावयं । मुख्यमंत्री ह कोरिया जिला के बाढ़त संक्रमण म चिंता करीस अउ अधिकारी मन ल लोगन ले गाइडलाइन के पालन कराए, बेरिकेट्स लगाके आवाजाही रोके, सीमावर्ती क्षेत्र म सरलग निगरानी रखे अउ जांच के निर्देश दीन।
कोरोना पॉजीटिव लोगन अउ जेन मन ल सर्दी, बुखार हे, उन्कर बने होए के पीछू वैक्सीन लगावय। अपन —अपन क्षेत्र के मरीज मन ल डॉ. खूबचंद बघेल स्वास्थ्य योजना अउ आयुष्मान योजना के लाभ मिले के जानकारी रखैं। कोरोना के लड़ई मानवता ल बचाए के लड़ई हरे। एकर ले हमन ल एकजुट होेके जीतना हे, सबो सेवाभाव अउ जुम्मेदारी ले अपन दायित्व के निर्वहन बिगर रूके-बिगर थके करत राहन।
