रायपुर, 6 जून 2020। गृह मंत्री श्री ताम्रध्वज साहू ह अपन कर्तव्य के संगें-संग घुमन्तू अऊ अनाथ लइका मन बर ’प्रयास’ नाम ले शैक्षणिक संस्था के स्थापना करके ओ मन ल निःशुल्क शिक्षा प्रदान करे बर चार आरक्षक मन ल प्रशंसा पत्र प्रदान करे हें। गृह मंत्री श्री साहू ह रायपुर जिला म पदस्थ आरक्षक श्री महेश नेताम, श्री जितेन्द्र नाग, श्री धनंजय गोस्वामी अऊ श्री सुनील पाठक कोति ले करीबन 200 घुमन्तू अऊ अनाथ लइका मन बर करे जात निःशुल्क शिक्षा व्यवस्था ल मानवीय दृष्टिकोण ले उत्कृष्ट अउ सराहनीय काम बतात ओ मन ल शुभकामना प्रेसित करे हें अऊ ऊंखर उज्जवल भविष्य के कामना करे हें।
गृह मंत्री ह उत्कृष्ट काम बर चार आरक्षक मन ल प्रदान करिस प्रशंसा पत्र
