गृह मंत्री ह अपन निवास परिसर म पौध रोपण करके पर्यावरण संरक्षण के दीन संदेश

रायपुर, 6 जुलाई 2020। गृह मंत्री श्री ताम्रध्वज साहू ह आज अपन रायपुर निवास परिसर म पौध रोपण करके पर्यावरण संरक्षण के संदेश दीन। श्री साहू ह अपन निवास परिसर म रुद्राक्ष के पौधा के रोपण करिन। भगवान शिव के आराधना बर आज ले शुरू होए पवित्र महीना सावन के पहिली सोमवार ल विशेष महत्व के रुद्राक्ष पौधा के रोपण करत प्रदेश के खुशहाली के कामना घलोक करिन। गृह मंत्री श्री साहू के संग खुज्जी विधानसभा क्षेत्र के विधायक श्रीमती छन्नी साहू ह घलोक रुद्राक्ष पौधा के रोपण करिन। एखर अलावा मंत्री निवास परिसर म मुनगा, आम, नीम अउ आन प्रजाति के पौधा के घलोक रोपण करे गीस। मंत्री श्री साहू ह कहिन के अभी बारिश के मौसम हे जऊन के पौधा लगाय बर काफी उपयुक्त हे। उमन कहिन के स्वच्छ वातावरण, शुद्ध हवा अऊ हरियर छत्तीसगढ़ बनाए बर हर एक नागरिक ल कम से कम एक पौधा जरूर लगाना चाही।