दुर्ग, 23 मार्च 2021। गृहमंत्री ताम्रध्वज साहू ह सोमवार के दुर्ग प्रवास के दौरान अपन दुर्ग निवास कार्यालय म खुड़मुड़ा हत्याकांड के गुत्थी सुलझइया पुलिस अधिकारी अऊ कर्मचारी मन ल सम्मानित करिन। ओमन दुर्ग रेंज के पुलिस महानिरीक्षक विवेकानंद सिन्हा अऊ पुलिस अधीक्षक दुर्ग प्रशांत ठाकुर सहित 50 पुलिस अधिकारी-कर्मचारी ल ये सफलता ऊपर बधाई दीन। ये अवसर म गृहमंत्री साहू ह अधिकारी मन ले उंखर अनुभव घलो साझा करिन। ओमन दुर्ग जिला के पुलिस बर 2 लाख रुपिया पुरस्कार के घोषणा करत कहिन कि ओमन ल जल्द ही प्रशस्ति पत्र देहे जाही।
खुड़मुड़ा हत्याकांड के गुत्थी सुलझइया पुलिस अधिकारी अऊ कर्मचारी मन ल गृहमंत्री ताम्रध्वज साहू ह करिन सम्मानित
