गृह मंत्री ह सुग्‍घर काम बर पुलिस टीम ल करिस सम्मानित

रायपुर, 08 जुलाई 2020। गृह मंत्री श्री ताम्रध्वज साहू ह बेमेतरा जिला के पुलिस अधीक्षक अउ जवान मन कोति ले अपराध के रोकथाम अऊ अपराध अन्वेषण अउ खोज-बीन बर नवा तकनीक के उपयोग करे बर सम्मानित करे हें। गृह मंत्री ह आज अपन रायपुर निवास कार्यालय म विधायक श्री आशीष छाबड़ा के उपस्थिति म पुलिस अधीक्षक श्री दिव्यांग पटेल अऊ उंखर टीम ल शिल्ड अऊ शाल देके ओ मन ल सम्मानित करिन। मंत्री श्री साहू ह पुलिस अधीक्षक ल अपराध उपर नियंत्रण रखे, शहर के मुख्य चौक-चौराहा मन म सीसीटीव्ही कैमरा लगाय अऊ बेमेतरा म पुलिस कंट्रोल रूम बनाए अऊ तीन पारी म म 24 घंटा कर्मचारी मन के ड्यूटी लगाय के हुकुम दीन। उमन ट्रैफिक नियम मन के पालन कराए अऊ कोरोना संक्रमण के रोकथाम बर अनिवार्य रूप ले मास्क लगाय बर मनखे मन ल प्रेरित करे के घलोक हुकुम दीन। ये बेरा म पुलिस अधीक्षक श्री पटेल ह घटना के सरसरी तौर म जानकारी लेत बताइन के पाछू महिना तीन जून ल अज्ञात ट्रक चालक ह 7 बछर के नोनी के अपहरण करके ओखर संग दुष्कर्म करे रहिस, ये घटना ल गृह मंत्री ह काफी गंभीरता ले लेके तुरंत कार्यवाही के निर्देश देहे रहिन, काबर कि ये काम बड़ मुश्किल रहिस एखर बर नवा तकनीक जीपीएस डेटा एनालिसीस के उपयोग करत करीबन 12 हजार ट्रक मन के जांच करके 19 जून के अपराधी ल गिरफ्तार करे गीस।