बढि़या काम बर राष्ट्रीय अवार्ड ले सम्मानित करे गीस वन धन विकास केन्द्र दुगली

धमतरी 28 अगस्त 2021। वनांचल नगरी के दुगली स्थित वन धन विकास केन्द्र नित नवा कीर्तिमान स्थापित करत हे। इही कड़ी म वन धन विकास केंद्र दुगली ल उत्कृष्ट काम बर केन्द्रीय जनजाति काम मंत्री श्री अर्जुन मुण्डा के जगदलपुर प्रवास के समय सुकरवार 27 अगस्त के दिन राष्ट्रीय अवार्ड मिले हे। जागृति बालिका स्व सहायता समूह के अध्यक्ष श्रीमती अमरीका बाई अउर सचिव कुमारी नारायणी टेकाम ह समूह कोति ले केंद्रीय मंत्री श्री मुंडा के हाथ अवार्ड लीन। ये मौका म खुशी जाहिर करत अध्यक्ष श्रीमती अमरीका बाई कहिस के अवार्ड मिले ले समूह के सदस्य मन के मनोबल बाढ़े हे अऊ ओ मन जादा मेहनत करके अपन आय बढ़ाए अऊ सफलता के दिशा म कदम बढ़ाए बर अऊ प्रेरित होही। समूह के आन सदस्य घलोक ये मौका म हर्ष अऊ गर्व महसूस करत लगन अऊ मेहनत ले काम करे के बात कहिन।