राष्ट्रपति पुरस्कार ले सम्मानित एनएसएस के छात्रा लेखनी साहू ह राज्यपाल ले करिन सौजन्य भेंट

रायपुर, राष्ट्रपति पुरस्कार ले सम्मानित कोरबा जिला के एनएसएस के छात्रा कुमारी लेखनी साहू ह आज राजभवन म राज्यपाल श्री रमेन डेका ले सौजन्य भेंट करिस। राज्यपाल ह लेखनी साहू के काम मन के सराहना करत वोखर उज्ज्वल भविष्य के कामना करिस।
कुमारी लेखनी साहू ल पाछू 6 अकटूबर 2025 के राष्ट्रपति द्रौपदी मुर्मू ले समाज सेवा के क्षेत्र म करे उत्कृष्ट काम मन खातिर सम्मानित करे गए रहिन। सुश्री लेखनी ह समाज सेवा, पर्यावरण संरक्षण, शिक्षा जागरूकता अऊ शासन के योजना मन ल आम जनता तक पहुँचाए जइसे काम मन म सक्रिय भागीदारी निभाए हे।
राज्यपाल रमेन डेका ह वोखर से वोखर अनुभव के चर्चा करिस अऊ कहिन के अइसन युवा समाज खातिर प्रेरणास्रोत हे। उमन लेखनी ल सरलग समाजसेवा के काम मन म जुड़े रहे अऊ दूसर मन खातिर मिसाल बने के आशीर्वाद दीन।