शासकीय योजना मन ले सलमा के जिनगी म लहुटिस खुशी

पीएम आवास योजना ले मिलिस सम्मान पूर्ण जीवन
सुकमा, जिला के छिंदगढ़ विकासखण्ड के हॉस्पिटल कॉलोनी के निवासी श्रीमती सलमा रैनी के जीवन म शासकीय योजना मन के सहारा नवा अंजोर आए हे। कइ बदर तक जर्जर कच्चा मकान म कठिन परिस्थिति म जीवन यापन करइया सलमा आज प्रधानमंत्री आवास योजना के तहत मिले पक्का आवास म आत्मसम्मान के संग रहत हे।
जिला पंचायत सीईओ श्रीमती नम्रता जैन ह बताइस के आर्थिक-सामाजिक जनगणना 2011 के आधार म सलमा रैनी के नाम प्रधानमंत्री आवास योजना के स्थायी प्रतीक्षा सूची म सामिल करे गए रहिस। जनपद पंचायत छिंदगढ़ कोति ले आवास के स्वीकृति प्रदान करे गीस, जेखर तहत अब ओला पक्का मकान मिल गे हे।
सलमा ल महतारी वंदन योजना के तहत हर महिना 1000 रूपिया के राशि मिलत हे, जेखर से रोजमर्रा के जीवनयापन म वोला मदद मिलत हे। स्वच्छ भारत मिशन के तहत शौचालय के निर्माण, राष्ट्रीय खाद्य सुरक्षा अधिनियम के तहत रियायती दर म खाद्यान्न अउ आयुमान भारत योजना के तहत सुरक्षा घलो वोला प्रदान करे गे हे। सलमा रैनी ह शासन के प्रति आभार व्यक्त करत कहिस के अब वोखर परिवार ह सुरक्षित अउ सम्मानजनक जीवन जीयत हे। वो ह मुख्यमंत्री श्री विष्णु देव साय के प्रति आभार व्यक्त करत कहिस के शासकीय योजना मन ह वोखर परिवार के जीवन म स्थायित्व, सुरक्षा अउ आत्मविश्वास के संचार करे हे।