रइपुर, 19 जून 2021 शनिच्चर। छत्तीसगढ़ के दूरिहा आदिवासी अंचल के रहवइया मन बर मुख्यमंत्री हाट बाजार क्लीनिक योजना वरदान साबित होवत हे एमे लोगन ल अपन घर के तीर हाट बाजार म स्वास्थ्य जांच के सुविधा अउ बीमारी होय मन उन्कर इलाज तको होवत हावय । ये योजना के दू झिन हितग्राही श्री सोनउ राम अउ जागोबाई ह आज उत्तर बस्तर कांकेर जिला के विकास कार्य् के भूमिपूजन अउ लोकार्पण के वर्चुअल कार्यक्रम के बेरा मुख्यमंत्री दाउ भूपेश बघेल के संग ये योजना ले जुड़े अपन अनुभव साझा करीन। मुख्यमंत्री संग गोठियावत श्री सोनउ राम बताइन कि व्यास कोंगेरा के बाजार म हाट बाजार क्लिनिक के स्वास्थ्य शिविर म उन्मन जांच कराइन त पता चलीस कि ओला ब्लड प्रेशर हे । उहां सिस्टर दीदी ह दवा दीन जेकर ले ओकर ब्लड प्रेशर सामान्य होगे ।
ओइसनेहे व्यास कोंगेरा के श्रीमती जागोबाई कुंजाम ह मुख्यमंत्री ल बताइन कि वोह बाजार गे रिहिसे उहां स्वास्थ्य शिविर लगे रिहिसे। चेकअप करवाए म पता चलीस कि ओला कि ओला ब्लड प्रेशर अउ शुगर हवय। सिस्टर दीदी के देहे गोली ल खावत है जेकर ले मोर स्वास्थ्य म सुधार हे अउ मोला बने लागत हे।
उन मन मुख्यमंत्री के आभार प्रकट करीन।
