मंझनिया 12 ले 02 बजे के बीच तय समय म हितग्राही पहुंचत हें आंगनबाड़ी
धमतरी 17 सितंबर 2020। राज्य शासन के निर्देश के मुताबिक 16 सितंबर ले ग्रामीण क्षेत्र के आंगनबाड़ी केन्द्र मन ल खोल के गरम चुरे जेवन देहे जात हे। एखर तहत धमतरी जिला के ग्रामीण क्षेत्र मन म घलोक बुधवार ले लइका मन, गर्भवती अऊ शिशुवती महिला मन ल मंझनिया 12 ले दो बजे तक गरम चुरे जेवन खवाए जात हे। कोरोना संक्रमण ले बचाव ल ध्यान म रखत कलेक्टर श्री जय प्रकाश मौर्य ह महिला अऊ बाल विकास विभाग के अमला ल सख्त निर्देश देहे हें के आंगनबाड़ी केन्द्र मन ल हर रोज एक प्रतिशत हाईपो क्लोराईट के घोल ले अनिवार्य रूप ले पोछे जाय। संगेच ये दौरान सामाजिक दूरी, साबून ले हाथ धुलाई, भोजन पकात बेरा स्वच्छता आदि के ध्यान रखे घलोक कहिन। आंगनबाड़ी केन्द्र मन म हाथ धुलाई बर साबून के उपयोग करे अऊ हितग्राही मन ल सर्दी-खांसी, बुखार होए म आंगनबाड़ी नइ आए बर निर्देशित करे हें।
जानबा हे के कलेक्टर के निर्देश हे के लइका मन ल दर्ज संख्या के आधार म भोजन करे बर एक समय तय करत बलाए जाय, जेखर से के आंगनबाड़ी म सामाजिक दूरी के पालन करना संभव होही। उमन ये घलोक निर्देशित करे हें के जऊन हितग्राही मन (बच्चे, गर्भवती अऊ शिशुवती माता मन) के घर आंगनबाड़ी केन्द्र के तीर हे, ओ मन चुरे गरम जेवन घर ले जाए सकयं, अइसे व्यवस्था करे जाय।
