जशपुरनगर, कलेक्टर श्री रितेश कुमार अग्रवाल के मार्गदर्शन अऊ सीईओ जिला पंचायत श्री जितेन्द्र यादव के दिशा निर्देश म आज दुलदुला विकासखंड के कोरना गौठान म स्व सहायता समूह के महिला मन ल कृषि विभाग कोति ले वेस्ट डीकंपोजर बनाए के विधि के प्रशिक्षण देहे गीस। ये बेरा म जनपद सीईओ दुलदुला श्री बजरंग वर्मा, समूह के महिला मन संग कृषि विभाग के अधिकारी कर्मचारी उपस्थित रहिन।
प्रशिक्षण म कृषि विभाग के अधिकारी मन समूह के महिला मन ल वेस्ट डीकंपोजर बनाए के विधि के पूरा जानकारी देवत ओखर से होवइया फायदा मन के बारे म बताए गीस। उमन बताइन कि गोबर म केंचुआ डालके खाद निर्माण होए म 45 दिन के समय लगथे फेर डीकंपोजर ले करीबन 30 दिन म ही खाद तियार हो जाथे। ये प्रशिक्षण के डोभ अऊ बंगुरकेला पंचायत के समूह के महिला मन घलोक लाभ लीन। उमन बताइन कि अवईया हफ्ता म दुलदुला विकासखंड के गौठान मन म कार्यरत सबो स्वसहायता समूह के महिला मन ल ये संबंध म प्रशिक्षण प्रदान करे जाही।
