- राजीव गांधी किसान न्याय योजना, समर्थन मूल्य म धान खरीदी, मुख्यमंत्री वृक्षारोपण प्रोत्साहन योजना अऊ कोदो-कुटकी, रागी
- उपार्जन योजना के लाभ लेहे बर किसान मन ल पोर्टल म एक पईत कराना होही पंजीयन
- किसान मन बर आसान होही पंजीयन के प्रक्रिया
- योजना मन के क्रियान्वयन, प्रबंधन, पर्यवेक्षण अऊ रिपोर्टिंग म होही सहूलियत
रायपुर, मुख्यमंत्री श्री भूपेश बघेल ह काली अपन निवास कार्यालय म कैबिनेट के बैठक के पहिली एकीकृत किसान पोर्टल लॉन्च करिन। कृषि विभाग के सहयोग ले एनआईसी कोति ले तियार एकीकृत किसान पोर्टल म राजीव गांधी किसान न्याय योजना, समर्थन मूल्य म धान खरीदी, मुख्यमंत्री वृक्षारोपण प्रोत्साहन योजना अऊ कोदो-कुटकी, रागी उपार्जन योजना के लाभ लेहे बर किसान मन ल एक पईत पंजीयन कराना होही। मुख्यमंत्री ह एकीकृत किसान पोर्टल ल लांच करत किसान मन ल बधाई अऊ शुभकामना देवत कहिन कि ये पोर्टल ले किसान मन बर पंजीयन कराना आसान हो जाही। कई ठन योजना मन के लाभ लेहे बर ओ मन ल एके पईत पंजीयन कराना होही।
How to register Integrated Farmer Portal CG कैसे करें किसान पोर्टल में किसान पंजीयन
राजीव गांधी किसान न्याय योजनांतर्गत किसान मन के खसरावार, फसलवार पंजीयन एकीकृत पोर्टल म सहकारी समिति के माध्यम ले 30 सितमबर तक करे जाही। कृषक के आवेदन अऊ कागद के प्रारंभिक परीक्षण ग्रामीण कृषि विस्तार अधिकारी कोति ले करे जाही। साल 2020-21 म धान उपार्जन बर पंजीकृत किसान मन ल पंजीयन कराए के जरूरत नइ हे। ए पंजीकृत किसान मन के डाटा ल एकीकृत पोर्टल म उपयोग करे जाही। एकीकृत पोर्टल ल भुंईयां पोर्टल के कड़ी ले जोड़े गए हे। पंजीयन के समय सहकारी समिति कोति ले कृषक के खसरावार जमीन के विवरण भुंईयां ले मिलान करे जाही। जमीन विवरण अउ गिरदावरी आंकड़ा ह भुंईयां पोर्टल ले अपने आप ऑनलाईन सत्यापित होही। राजीव गांधी किसान न्याय योजना अऊ धान उपार्जन बर वन पट्टाधारी किसान मन के पंजीयन एकीकृत पोर्टल ले सहकारी समिति के माध्यम ले करे जाही। कृषक के आवेदन अऊ कागद के प्रारंभिक परीक्षण ग्रामीण कृषि विस्तार अधिकारी कोति ले करे जाही। संस्थागत, लिजी, अधिया, रेगहा, बटाईदार, डूबान क्षेत्र बर धान उर्पाजन ले संबंधित कृषक मन के पंजीयन के कार्यवाही खाद्य विभाग कोति ले सहकारी समिति के माध्यम ले करे जाही। येकर बर अलग से कड़ी एकीकृत पोर्टल म दे जाही। धान उर्पाजन बर नवीन पंजीयन, संशोधन राजीव गांधी किसान न्याय योजना के एकीकृत पोर्टल म करे जाही। पउर साल धान पंजीकृत अउ विक्रय रकबा म धान के बलदा आन वैकल्पिक फसल अउ वृक्षारोपण करइया कृषक मन के पंजीयन एकीकृत पोर्टल म करे जाही। वन विभाग कोति ले मुख्यमंत्री वृक्षारोपण प्रोत्साहन योजना अंतर्गत वन अधिकार पट्टाधारक, ग्राम पंचायत अउ संयुक्त वन समिति के पंजीयन बर विकसित पोर्टल एकीकृत पोर्टल ले जोड़े गए हे, ताकि आवेदक मन ल पंजीयन बर सिंगल विंडो देहे जा सकय।
ये बेरा म गृह मंत्री श्री ताम्रध्वज साहू, स्वास्थ्य मंत्री श्री टी.एस. सिंहदेव, कृषि मंत्री श्री रविन्द्र चौबे, वन अउर जलवायु बदलाव मंत्री श्री मोहम्मद अकबर, स्कूल शिक्षा मंत्री डॉ प्रेमसाय सिंह टेकाम, महिला अउर बाल विकास मंत्री श्रीमती अनिला भेंड़िया, श्रम मंत्री डॉ. शिव कुमार डहरिया, खाद्य मंत्री श्री अमरजीत भगत, उद्योग मंत्री श्री कवासी लखमा, लोक स्वास्थ्य यांत्रिकी मंत्री श्री गुरू रूद्रकुमार, राजस्व मंत्री श्री जयसिंह अग्रवाल, जादा शिक्षा मंत्री श्री उमेश पटेल, मुख्य सचिव श्री अमिताभ जैन, मुख्यमंत्री के अपर मुख्य सचिव श्री सुब्रत साहू, कृषि विभाग के विशेष सचिव अउर राज्य नोडल अधिकारी गोधन न्याय योजना डॉ. एस. भारती दासन, एनआईसी के स्टेट हेड श्री टी.एन. सिंह संग वरिष्ठ अधिकारी उपस्थित रहिन।
