इंटरनेट कनेक्शन के संग कम्प्यूटर लैब वाले स्कूल मन म आयोजित होही परीक्षा
स्कूल मन ल मूल्यांकन परीक्षा बर करवाना होही पंजीयन
कक्षा 6वीं ले 12वीं तक के छात्र दे सकही परीक्षा
भागीदारी करइया सबो छात्र मन ल मिलही ई-प्रमाण पत्र
रायपुर, 23 मार्च 2024। स्कूली लइका मन ल वित्तीय रूप ले सक्षम बनाए बर राष्ट्रीय वित्तीय शिक्षा केन्द्र कक्षा 6वीं ले 12वीं के स्कूली लइका मन बर वित्तीय साक्षरता मूल्यांकन परीक्षा (एनएफएलएटी) आयोजित करथे, जेकर से छात्र मन ल बुनियादी वित्तीय साक्षरता कौशल के बारे म जागरूक करे जा सकय। स्कूल मन के परीक्षा म भाग लेहे बर पंजीयन 27 मई 2024 तक करे जाही। परीक्षा 31 मई तक आयोजित होही। ए संबंध म लोक शिक्षण संचालनालय ह सबो जिला शिक्षा अधिकारी मन ल निर्देशित करे हे कि राज्य के सबो स्कूल मन म पढ़ईया लईका मन के राष्ट्रीय वित्तीय साक्षरता मूल्यांकन परीक्षा म पंजीकरण करवाव। स्कूल के कम्प्यूटर लैब म परीक्षा पंजीयन के बाद प्राप्त तारीक म परीक्षा आयोजित करवाए के प्रबंधन बर प्राध्यापक मन ल निर्देशित करे गए हे। परीक्षा के विवरण अऊ संदर्भ https://ncfe.org.in/NFLAT म देखे जा सकत हे।
राष्ट्रीय वित्तीय साक्षरता मूल्यांकन परीक्षा बर पंजीयन 27 मई तक
