रायपुर, 5 सितंबर 2020। राजधानी रायपुर म आज जोरदार दर्दनाक सड़क हादसा होइस। हादसा म मउका म ही 7 लोगन मन के मउत होगे। जबकि 7 लोगन गंभीर रूप ले घायल होगे। जोन मन ल अस्पताल म भर्ती कराय गे हवे।
जानकारी के अनुसार, ओड़िशा के गंजाम ले मजदूर बस म सवार होके गुजरात ले सूरत जावत रहिस। बिहनिया सेरीखेड़ी गांव म कृषि महाविद्यालय के तिर तेज रफ्तार ट्रक ह बस ल जोरदार टक्कर मार दीस। जेकर ले बस के परखच्चे उड़ गे, मउका म ही 7 मजदूर मन के दर्दनाक मउत हो गिस, 7 मजदूर गंभीर रूप ले घायल बताए जावत हे, घायल मन ल अस्पताल म भर्ती कर देहे हवे। जिहा उकर इलाज जारी हे।
बताय जावत हे कि बस म करीब 50 मजदूर सवार रिहिन. दुर्घटना के बाद म ट्रक सवार मउका ले फरार होगे हे. घायल मन ल अंबेडकर अस्पताल म भर्ती कराये गे हे.