अर्जुनी परिक्षेत्र म गौर के शिकार के घटना म वन विभाग के लउहे कार्रवाई वनरक्षक निलंबित

बलौदाबाजार, जिला के वनमण्डल के अर्जुनी परिक्षेत्र अंतर्गत वन्यप्राणी गौर (बायसन) के करेंट लगाके शिकार करे के घटना म लापरवाही बरते क़े सेती वनमंडलाधिकारी ह वनरक्षक ल निलंबित कर देहे हे।
मिले जानकारी क़े मुताबिक अर्जुनी परिक्षेत्र  अंतर्गत बिलाड़ी परिसर के संरक्षित वन कक्ष नंबर 324 म 25 अकटूबर के वन्यप्राणी गौर (बायसन) के करेंट लगाके शिकार करे के घटना के संबंध म वन विभाग ह संदिग्ध आरोपी मन ले पूछताछ करके जांच चालू करे रहिस। अवैध गतिविधि ल रोके बर अपेक्षित सतर्कता अऊ निगरानी म लापरवाही बरते के कारन वनरक्षक प्रेमचंद धृतलहरे ल छत्तीसगढ़ सिविल सेवा (वर्गीकरण, नियंत्रण अऊ अपील) नियम 1966 के नियम-9 के अंतर्गत तुरंत प्रभाव ले निलंबित करे गए हे।
वनमण्डलाधिकारी गणवीर धम्मशील ह बताइस के वन विभाग ह ए प्रकरण के गहन जांच करत हे अऊ शिकार म संघरे आन मनखे मन के पहिचान करके वैधानिक कार्यवाही करे जाही। आसपास के सबो परिसर म गश्त अऊ निगरानी बढ़ा दे गए हे। संगेच स्थानीय ग्रामवासी मन ले घलोक वन्यजीव मन के सुरक्षा बर सतर्क रहे अऊ विभाग ल तुरंत सूचना देहे के अपील करे गए हे।