सेवा के कहानी : कठिन समे म शासन के सहारा, हरेलिया बाई ल मिलिस आर्थिक मदद

CHHATTISGARHI NEWS: कोरबा, जिंदगी के कठिन दौर अउ प्रतिकूल परिस्थिति म शासन के योजना मन सहारा बनथे। कोरबा जिला के कुसमुण्डा के नवधा चौक, आनंद नगर निवासी हरेलिया बाई के परिवार ऊपर वोही समे दुख के पहाड़ टूट परिस, जब काम करत करेंट लगे ले उंकर पति रामप्रताप यादव के निधन होगे। ओ वेल्डर के काम करत रहिस अउ परिवार के आजीविका के एकलौता सहारा रहिन। ओखर निधन के पाछू परिवार ला न सिर्फ गहरा आघात लगिस, बल्कि ए अप्रत्याशित घटना ले आर्थिक स्थिति घलो डगमगागे।
स्वर्गीय राम प्रताप यादव के मजदूर कार्ड पंजीयन नइ रहिस। अइसे कठिन समे म शासन के अपंजीकृत श्रमिक मन के कार्यस्थल म मृत्यु होए के स्थिति म सहायता राशि प्रदान करे के योजना के अंतर्गत हरेलिया बाई ला एक लाख रूपिया के आर्थिक मदद मिलिस। मुख्यमंत्री विष्णुदेव साय अउ श्रम मंत्री लखनलाल देवांगन के मार्गदर्शन म मिले ए सहायता ह संकट के घड़ी म परिवार ला संबल दीस। एखर संगेच हरेलिया बाई ला हर महीना महतारी वंदन योजना के लाभ घलो मिलत हे। हरेलिया बाई ह मदद बर श्रम विभाग अउ छत्तीसगढ़ शासन के प्रति आभार व्यक्त करिस। ओखर बर ए सहयोग ह कठिन समे म परिवार के जरूरत मन ला पूरा करे के सहारा बनिस।