अंबिकापुर, 26 अक्टूबर 2020। अम्बिकापुर शहर ले लगे ग्राम सरगंवा म शुक्रवार-शनिवार के रात पति ह तब्बल ले पत्नी के हत्या कर दीन। आरोपी ह मृतिका के शरीर म आधा दर्जन ले जादा वार करके ओला मउत के घाट उतार दिस। पुलिस ह आरोपी ल हिरासत म ले लेहे। घटनास्थल ल देखे के बाद आशंका जाहिर करे जावत हे कि आरोपी ह ‘नरबलि’ दीन हे। आरोपी अपन बयान बार-बार बदलत हे। उंखर कहना हे कि पत्नी के चरित्र ऊपर ओला शंका रिहिस। पुलिस हर एंगल ले मामला के जांच करत हे।
दुर्गा नवमी के बिहनिया सरगंवा के चारपारा म वो बेरा हडक़ंप मचगे, जब लोगन ह पति द्वारा पत्नी के हत्या के खबर सुनीन। आरोपी आगर साय गांव म झाड़-फूंक करथे। शनिवार के रात उंखर घर कुछ मेहमान आए रिहिस। रात म खा-पी के सब सोए बर चल दीस।
बिहनिया जब आरोपी के बहू उठीस त आरोपी ह बतइस कि सास के पूजा कुरिया म लाश पड़े हे। एखर सूचना मिलत ही ओमन अपन पति ल उठाइस अऊ पुलिस ल गांव वाला मन सूचना दीन। पुलिस ह आरोपी ल हिरासत म लेके पूछताछ शुरू कर दीन हे। ओमन गांव वाला अऊ पुलिस के आगु अपन जुर्म कबूल घलो कर लेहे। बताए जावत हे कि आरोपी नवरात्र म उपास रख के पूजा-अर्चना घलो करत रिहिस। परिवार वाला मन के कहना हे कि वो मृतिका ले अक्सर मारपीट घलो करत राहय। वो चरित्र सन्देह के बात कहत हे।बताए जावत हे कि आरोपी नवरात्र म उपास रख के पूजा-अर्चना घलो करत रिहिस। परिवार वाला मन के कहना हे कि वो मृतिका ले अक्सर मारपीट घलो करत राहय।
