पति ह चरित्र शंका के चलत करिस पत्नी के हत्या, आरोपी पति गिरफ्तार

रायपुर, 9 जनवरी 2021। राजधानी रायपुर म एक मनखे ह अपन पत्नी के हत्या कर दीस। ये मामला पंडरी थाना क्षेत्र के प्रगति नगर के हे। जिहां एक मनखे ह चरित्र शंका म अपन पत्नी के गला दबाके हत्या कर दीस। पुलिस ह हत्यारा पति ल गिरफ्तार घलो कर लेहे हे। पुलिस ह बतइन कि जांजगीर चांपा के रहइया नीलम प्रधान के बिहाव दूे बछर पहली वहीं के संजय सूर्यवंशी के संग होय रहिस। दुनों रायपुर के प्रगति नगर इलाका म किराया के मकान म रहत रिहिन। पति संजय सूर्यवंशी रिलायंस स्मार्ट म गार्ड के काम करत रहिस। आरोपी ह अपन पत्नी उपर कोनो अउ के संग अवैध संबंध होय के शक घलो करत रहिस। इही बात ल लेके दुनों के बीच हमेशा ले विवाद होवय। संजय ह ये विवाद ल खतम करे बर पत्नी नीलम के गला दबाके हत्या कर दीस। हत्या के केस दर्ज करके आरोपी पति ल गिरफ्तार कर लेहे गए हे।