परिवीक्षाधीन आई.ए.एस. अधिकारी मन ह करिन सौजन्य मुलाकात
रायपुर, राज्यपाल श्रीमती आनंदीबेन पटेल ले आज राजभवन म परिवीक्षाधीन आई.ए.एस. अधिकारी मन ह मुलाकात करिन। राज्यपाल ह उंखर ले परिचय प्राप्त करिन अऊ ऊंखर अब तक के अनुभव के जानकारी लीन। श्रीमती पटेल ह कहिन कि प्रशासनिक अधिकारी के जनता ले सीधा सतत संपर्क होथे। ऊंखर आगू आम जनता कई प्रकार के समस्या मन ल लेके आथें।
उंखर समस्या मन के हर संभव समाधान करे के उदीम करना चाही। राज्यपाल ह अपन अनुभव साझा करत कहिन कि प्रशासनिक जीवन म कई प्रकार के परिस्थिति आथे, ओखर सामना करत, नियमानुसार जल्दी निर्णय लेना चाही। संगेच जनता के प्रति हमेशा संवेदनशील रहना चाही। ये बेरा म छत्तीसगढ़ प्रशासन अकादमी के महानिदेशक श्रीमती रेणु जी. पिल्ले अऊ अकादमी के निदेशक श्री आलोक अवस्थी उपस्थित रहिन।
