आईएएस जनक पाठक के उपर रेप के आरोप, शिकायतकर्ता ह कहिन चैम्बर म ही हवस के शिकार बनाये रहिस

रायपुर, 04 जून 2020। जांजगीर चांपा के तत्कालीन कलेक्टर जनक पाठक के उपर एक महिला ह दुष्कर्म के रिपोर्ट लिखाये हे. शिकायतकर्ता ह जनक पाठक उपर अपन ही चैंबर म ओला अपन हवस के शिकार बनाये के आरोप लगाये हे. शिकायतकर्ता के कहना हे कि जनक पाठक उमन ल अश्लील वीडियो अउ मैसेज घलो करत रहिस. उंखर कहना हे कि जनक पाठक ओला काम दिलाये के आश्वासन देवत रहे अउ अंत तक काम नई दीस. शिकायतकर्ता ह सबो चैटिंग अउ वीडियो पुलिस ल सौंप दे हवय. पीड़ित महिला एनजीओ चलाथे अउ ओखर पति सरकारी कर्मचारी हे. ओखर कहना हे कि जनक पाठक के तबादला के बाद उमन ल हिम्मत आइस अउ वो रिपोर्ट दर्ज कराइस. पुलिस के कहना हे ये मामला म पीड़ित महिला के संग अन्याय नहीं होवन देन.