रायपुर, 11 जनवरी 2021। छत्तीसगढ़ शासन के अपर मुख्य सचिव सुब्रत साहू ल बड़का जिम्मेदारी देहे गए हे। अब वो अपन वर्तमान कार्य मन के संगे-संग मुख्य सचिव छत्तीसगढ़ शासन के कार्य घलो संभालही। दरअसल मुख्य सचिव अमिताभ जैन स्वास्थ्यगत कारण ले अवकाश म हे। पिछला कई दिन ले कोरोना संक्रमित हो जाये के कारण वो अवकाश म हे। उंखर स्वस्थ होके लहुटत तक अपर मुख्य सचिव ल दोहरा जिम्मेदारी देहे गए हे। ये संबंध म सामान्य प्रशासन विभाग के सचिव डॉ. कमलप्रीत सिंह ह आदेश जारी कर देहे हे।
