जशपुरनगर, जशपुर जिला के किसान मन जल संसाधन विभाग जशपुर के ईब व्यपवर्तन योजना के लाभ उठा के बनेच खेती करत हें। कुनकुरी क्षेत्र के ग्राम चटकपुर के किसान हेमन्त कुमार नहर के पानी के उपयोग करके अपन 2 एकड़ के खेत म टमाटर के खेती करे हे। वोकर बताती नहर के पानी सिंचाई बर आसानी ले मिलत हे। अब साल म दू फसल बरसात अऊ गर्मी दुनों सीजन म लेत बन जात हे। जेखर से साग-सब्जी के बनेच पैदावार होवत हे।
किसान हेमन्त कुमार के बताती बाजार म टमाटर (पताल) के मांग जादा हे। टमाटर बाजार म हाथों-हाथ बेंचा जाथे अऊ बनेच आमदनी हो जाथे। उमन जिला प्रशासन अऊ जल संसाधन विभाग ल धन्यवाद देवत होइन कहिन कि ईब नदी नहर के पानी मिले ले आस-पास के किसान मन ल एकर सीधा लाभ मिलत हे।
नहर के पानी के उपयोग करके हेमन्त करत हे पताल के सुग्धर खेती
