छत्तीसगढ़ ल मीडिया जगत म मिलही नवा पहिचान: मुख्यमंत्री श्री विष्णु देव साय

सबसे तेज अऊ सटीक समाचार देना आज के सबले बड़े चुनौती: केंद्रीय मंत्री श्री चिराग पासवान
आईबीसी 24 के नवा स्टूडियो के शुभारंभ समारोह म सामिल होइन मुख्यमंत्री श्री विष्णु देव साय
रायपुर, मुख्यमंत्री श्री विष्णु देव साय ह काली रायपुर स्थित आईबीसी 24 के नवा स्टूडियो के शुभारंभ करिन। ए बेरा म उमन कहिन के लंबे समय तक विश्वसनीयता के संग खबर देना कोनो मीडिया संस्थान बर एक बड़का उपलब्धि ये। उमन कहिन के छत्तीसगढ़ ल ए हाईटेक स्टूडियो ले मीडिया जगत म नवा पहिचान मिलही।
मुख्यमंत्री श्री साय ह ए मौका म राज्य अउ केंद्र के कल्याणकारी योजना मन के जानकारी आम आदमी तक जादा ले जादा पहुंचाए के आग्रह करिन। केंद्रीय खाद्य प्रसंस्करण उद्योग मंत्री श्री चिराग पासवान ह कहिन के सबले तेज अऊ सटीक समाचार देना आज के सबले बड़े चुनौती हे। विधानसभा अध्यक्ष डॉ. रमन सिंह ह कहिन के छत्तीसगढ़ ह अपन उद्योग, सड़क, शिक्षा अऊ स्वास्थ्य जइसे क्षेत्र मन म राष्ट्रीय स्तर म अपन पहिचान बनाय हे। अब मीडिया क्षेत्र म घलोक छत्तीसगढ़ के नाम राष्ट्रीय पटल म अंकित होही।
समारोह ल उपमुख्यमंत्री श्री अरुण साव, श्री विजय शर्मा अउ वन मंत्री श्री केदार कश्यप ह घलोक संबोधित करिन। ए बेरा म म महिला अउ बाल विकास मंत्री श्रीमती लक्ष्मी राजवाड़े, राजस्व मंत्री श्री टंक राम वर्मा, विधायक सर्वश्री अजय चंद्राकर, पुरंदर मिश्रा, संपत अग्रवाल, गोयल ग्रुप के चेयरमैन श्री सुरेश गोयल, डायरेक्टर श्री राजेंद्र गोयल अऊ आईबीसी मीडिया एडिटर श्री रविकांत मित्तल संग आन जनप्रतिनिधिगण बड़ संख्या म उपस्थित रहिन।