प्लेनरी सत्र म 42 देश के चुनाव प्रबंधन निकाय के प्रमुख मन होइन शामिल
निर्वाचन प्रशासन के आगू वैश्विक चुनौती मन उप्पर होइस बड़का स्तर म विचार-विमर्श
रायपुर, भारत मंडपम, नई दिल्ली म आयोजित भारत अंतरराष्ट्रीय लोकतंत्र अउ निर्वाचन प्रबंधन सम्मेलन (IICDEM)–2026 के अंतर्गत आयोजित प्लेनरी सत्र म 42 देश मन के चुनाव प्रबंधन निकाय (EMBs) के प्रमुख मन ह हिस्सा लीन्।
प्लेनरी सत्र के काम-काज के सुभारंभ भारत के मुख्य निर्वाचन आयुक्त श्री ज्ञानेश कुमार अउ निर्वाचन आयुक्त डॉ. सुखबीर सिंह संधू अउ डॉ. विवेक जोशी ह करिन। ए सत्र म लगभग 60 अंतरराष्ट्रीय प्रतिनिधि मन ह भाग लीन्, जेमे अलग-अलग देश के चुनाव प्रबंधन निकाय के प्रमुख मन के संग-संग राजदूत अउ उच्चायुक्त घलो शामिल रहिन।
ए प्लेनरी सत्र ह लोकतंत्र अउ निर्वाचन प्रबंधन के क्षेत्र म बड़े स्तर के विचार-विमर्श अउ अनुभव मन के आदान-प्रदान बर एक ठन महत्वपूरन मंच साबित होइस, जेमे चुनाव प्रबंधन निकाय के बड़े नेता, वरिष्ठ अधिकारी अउ राजनयिक प्रतिनिधि एक संग उपस्थित रहिन।
सत्र म इंटरनेशनल आईडिया (International IDEA) के अध्यक्षता के अंतर्गत साल 2026 बर भारत कोति ले तय विषयगत प्राथमिकता मन ल साझा करे गीस। ए मौका म EMB नेता अउ अलग-अलग देश के प्रतिनिधि मन ह लोकतंत्र अउ निर्वाचन प्रशासन के आगू मौजूद वैश्विक चुनौती, नवाचार (Innovation) अउ बढ़िया प्रक्रिया मन उप्पर अपन विचार रखिन।
