- नवाचार अऊ रचनात्मक केन्द्र के रूप म उभरे तकनीकी शिक्षा संस्थान: राज्यपाल सुश्री उइके
- तकनीकी ज्ञान के उपयोग करके विद्यार्थी छत्तीसगढ़ के विकास म सहभागी बनयं: श्री भूपेश बघेल
रायपुर, राज्यपाल सुश्री अनुसुइया उइके अऊ मुख्यमंत्री श्री भूपेश बघेल ह आज डॉ श्यामा प्रसाद मुखर्जी अंतर्राष्ट्रीय सूचना प्रौद्योगिकी संस्थान नवा रायपुर के पहिली दीक्षांत समारोह म पढ़ईया लईका मन ल स्वर्ण अऊ रजत पदक प्रदान करिन। उच्च शिक्षा अऊ तकनीकी शिक्षा मंत्री श्री उमेश पटेल, आई आई टी दिल्ली के पहिली निदेशक अऊ एनबीए के पहिली अध्यक्ष प्रोफेसर सुरेन्द्र प्रसाद विशेष अतिथि के रूप म कार्यक्रम म उपस्थित रहिन। समारोह के अध्यक्षता ट्रिपल आईटी बोर्ड के अध्यक्ष अऊ एचसीएल के सह संस्थापक श्री अजय चौधरी ह करिन। समारोह म साल 2015-19 बैच के 69 पढ़ईया लईका मन ल बीटेक के डिग्री प्रदान करे गीस। सर्वश्रेष्ठ आल राउंड प्रदर्शन बर इंस्टिट्यूट गोल्ड मेडल, बीटेक म नवाचार बर प्रेसिडेंट गोल्ड मेडल, कंप्यूटर साइंस अऊ इलेक्ट्रोनिक्स इंजिनीरिंग म उच्च टीम सीजीपीए पाए विद्यार्थि मन ल रजत पदक पढ़ईया लईका मन ल देहे गीस।