रायपुर म हाउसिंग बोर्ड के दुकान मन ले अवैध कब्ज़ा हटाए गीस, प्रशासन के कड़क कार्रवाई

रायपुर, छत्तीसगढ़ गृह निर्माण मंडल, रायपुर ह कबीर नगर स्थित टाटीबंध क्षेत्र के हाउसिंग बोर्ड दुकान मन ले अवैध कब्ज़ा हटाए के कार्रवाई करे हे। ये कार्रवाई मंडल के आदेश म पुलिस प्रशासन के उपस्थिति म शांतिपूर्ण अऊ विधिसम्मत तरीका ले करे गीस। साल 2008 ले तीन दुकान मन म कब्जाधारी मन ह बिना किराया देय अनधिकृत रूप ले कब्जा कर लेहे रहिन। नोटिस देहे अऊ दुकान मन ल वैधानिक रूप ले बिसाए के अवसर देहे के बाद घलो कब्जाधारी मन ह कोनो कार्रवाई नइ करिन, जेखर बाद मंडल ल कानूनी रूप ले कब्ज़ा हटाना परिस।
कार्रवाई म संपदा अधिकारी राजेश नायर संग विभागीय टीम अऊ पुलिस बल मौजूद रहिस। दुकान मन ल खाली कराके हाउसिंग बोर्ड ह ओ मन ल फेर अपन अधिकार म ले लेहे हे। मंडल ह स्पष्ट करे हे के ओखर संपत्ति मनम कोनो प्रकार के अवैध कब्ज़ा बर्दाश्त नइ करे जाए अऊ सबो किरायेदार मन ल अनुबंध शर्त के पालन करे के चेतावनी देहे हे।