बिलासपुर, 06 सितम्बर 2021। सीपत के अकतहा तहसीलदार तुलसी राठौर ह उहां के बाबू उपर धमकाए अऊ वसूली के शिकायत करे हे। ए शिकायत उपर पुलिस ह जुर्म दर्ज कर लेहे हे अऊ जांच चलत हे।
सीपत थाना प्रभारी आरके सोरी के बताती अकतहा तहसीलदार तुलसी ह धमकी के शिकायत करे हे। वो ह अपन शिकायत म बताए हे कि तहसील कार्यालय म भरतलाल सूर्यवंशी लिपिक रहिस। तहसील म काम बर आए मनखे मन सरलग वो बाबू के शिकायत करत रहिन। तब अकतहा तहसीलदार ह वोकर कार्यभार म बदलाव कर दीस। ए बात ले गुसिया के लिपिक बीपी मिश्रा सनिच्चर के संझा अकतहा तहसीलदार के चैंबर म पहुंच गे अऊ ओ ह अकतहा तहसीलदार ले एक लाख रूपिया के मांग करिस। रूपिया नइ देहे म ओ ह लिपिक भरतलाल सूर्यवंशी ल रीडर बनाए बर कहिस। काम प्रभावित होए अऊ सरलग शिकायत के बात कहत अकतहा तहसीलदार ह ए बात म मना कर दीस संगेच ओला फटकार लगईस। तब लिपिक बीपी मिश्रा ह अकतहा तहसीलदार ल वेब पोर्टल के संचालक ले परिचय के रौब देखात धमकी देहे लगिस।
शिकायत के मुताबिक ये घटना के बाद अकतहा तहसीलदार ह सबो कर्मचारी मन ल बलाके कोनो ल परेशान करे बिना नियम से काम करे के सलाह दीन। उही रात बाबू भरतलाल के हार्ट अटैक ले मौत हो गे। एखर बाद लिपिक बीपी मिश्रा ह अकतहा तहसीलदार उपर प्रताड़ना के आरोप लगात मनखे मन ल उकसाना शुरू कर दीस। संगेच ये संबंध म झूठ ल प्रचारित करे लगिस। अकतहा तहसीलदार ह एखर जानकारी मिले म सीपत थाना म शिकायत करिस। ये मामला म अभी पुलिस ह जुर्म दर्ज करके जांच करत हे।
तहसीलदार ले बाबू ह मांगिस एक लाख के घूस, मना करे म दीस धमकी
