अवैध धान भंडारण म बड़का कार्रवाई, 300 बोरा धान जप्त

राजस्व अधिकारी मन ह करिन कार्रवाई
सूरजपुर, मुख्यमंत्री विष्णुदेव साय के निर्देश म धान के अवैध भंडारण अऊ परिवहन म सबो अंतर्राज्यीय सीमा मनम बसे जिला मन म कड़क निगरानी करे जात हे। संगेच ए काम करइया मन उपर लउहे अऊ सख्त कार्रवाई करे जात हे।
कलेक्टर सूरजपुर के निर्देशन म जिला म अवैध धान भंडारण अऊ परिवहन ल लेके सरलग कार्यवाही करे जात हे। इही कड़ी म एसडीएम भैयाथान  के अगुवई म राजस्व विभाग के टीम ह रजबहर गांव, तहसील भैयाथान म छापेमारी के बड़का कार्रवाई करे हे। कार्रवाई के समय एक व्यापारी के गोदाम म 220 बोरा धान (कुल 88 क्विंटल) बिना कोनो वैध कागद के भंडारित पाए गीस। कागद प्रस्तुत नइ कर पाय म गोदाम ल सील करत धान ल जप्त करे गीस।
एकर अलावा कार्रवाई के दौरानग्राम भांडी, तहसील ओड़गी के रहवइया एक किसान ले ओ व्यापारी के गोदाम ले 80 बोरा धान (32 क्विंटल) क्रय करके परिवहन करत रहिस। ए म तत्परता ले कार्यवाही करत 80 बोरा धान संग ट्रैक्टर ल जप्त करके थाना झिलमिली के सुपुर्द करे गीस।
कलेक्टर सूरजपुर ह कहिन के जिला म अवैध धान भंडारण अऊ परिवहन के विरुद्ध सख्त कार्रवाई जारी रइही अऊ नियम के उल्लंघन करइया के विरुद्ध नियमानुसार दंडात्मक कार्यवाही ठउका करे जाही।