खनिज के अवैध परिवहन के मामला म कार्रवाई
मनेन्द्रगढ़-चिरमिरी-भरतपुर, जिला म उड़नदस्ता दल ह जिला के कई ठन क्षेत्र मन के दौरा करके खनिज के अवैध उत्खनन, परिवहन अउ भंडारण के मामला म कार्रवाई करत हे। उड़नदस्ता दल ह बीते दिनन चैनपुर अउ चिवटीमार क्षेत्र म अवैध रूप ले रेत के उत्खनन करके परिवहन करत दू ट्रैक्टर ल जब्त करे हे। ग्राम सोनबरसा ले खनिज गिट्टी के अवैध परिवहन करत पाए गए एक हाइवा ल तको जप्त करके थाना नागपुर म सुरक्षार्थ रखे गए हे। एखर पहिली ग्राम पंचायत हरचोका स्थित रेत खदान ले अवैध रेत उत्खनन करत पाए गे एक जेसीबी मशीन अउ एक हाइवा वाहन ल जब्त करे गए हे। अइसनहे ग्राम सेमरिया म स्वीकृत रेत भंडारण स्थल ले 20 घन मीटर रेत अवैध रूप ले पाए जाय म जब्त करे गए हे। ये प्रकरण मन म संबंधित मन के विरूद्ध कार्रवाई करे गए हे।
जानबा हे के राष्ट्रीय हरित अधिकरण (एनजीटी) के दिशानिर्देश के मुताबिक 10 जून ले 15 अकटूबर तक रेत खदान मन ले रेत खनन पूरा प्रतिबंधित रहिथे। ए बेरा म रेत के आपूर्ति केवल स्वीकृत भंडारण स्थल ले करे जा सकत हे। अभी हाल म जिला म रेत भंडारण उपलब्ध हे, जिहां ले रेत के सहज आपूर्ति सुनिश्चित करे गए हे। खनिज विभाग ह नागरिक मन ले अपील करे हे के ओ मन अधिकृत स्रोत ले ही रेत लेवंय अउ अवैध खनन, परिवहन या भंडारण के जानकारी तुरंते विभाग ल देवंय।
एमसीबी जिला म एक-एक जेसीबी अऊ हाइवा संग 2 ट्रैक्टर जप्त
