रेत के अवैध परिवहन करत पांच ट्रेक्टर पकड़ाइस

महासमुंद, जिला म रेत के अवैध परिवहन अउ भण्डारण के रोकथाम बर संचालित जांच-पड़ताल अभियान के तहत खनिज विभाग के टीम ह 5 ट्रेक्टर पकड़े हे। ए ट्रेक्टर मन ले रेत के अवैध परिवहन करे जात रहिस। ट्रेक्टर मन ल जब्त कर ले गए हे। कलेक्टर श्री विनय कुमार लंगेह के मार्गदर्शन म खनिज विभाग के टीम ह ग्राम कनेकेरा भलेसर म रेत के अवैध परिवहन करत पांच ट्रेक्टर वाहन ल जब्त करके थाना सिटी कोतवाली के अभिरक्षा म सुपुर्द कर देहे हे।
खनिज विभाग ह रेत भंडारण म छत्तीसगढ़ खनिज (खनन, परिवहन अउ भंडारण) नियम 2009 के उल्लंघन म स्वीकृत तीन भंडारण अनुज्ञप्ति मन ल निरस्त करे के संग प्रतिभूति राशि कुल एक लाख 50 हजार रूपिया ल राजसात करे के कार्यवाही करे हे। खनिज विभाग कोति ले स्वीकृत भंडारण अनुज्ञप्ति भण्डार नियम मन के उल्लंघन म 6 अनुज्ञप्तिधारी मन के ऊपर शास्ति आरोपित करके उंखर से कुल 4 लाख 13 हजार रुपिया के राशि जमा कराए गए हे।