690 किलो लाहन करे गीस नष्ट
आबकारी विभाग के सतर्क कार्रवाई, आरोपी के विरुद्ध प्रकरण दर्ज
बलौदाबाजार, जिला म शराब के अवैध कारोबार म कड़ाई ले रोक लगाय अऊ कोचिया मन उपर कार्रवाई बर आबकारी विभाग के टीम ह जांच पड़ताल के संग उदुपहा जांच करत हे। आबकारी के टीम ह जांच पड़ताल के समय 145 लीटर महुआ शराब जब्त करे हे। ए बेरा म जब्त 690 किलो महुआ लाहन ल घलोक नष्ट करे गए हे।
मिले जानकारी के मुताबिक कसडोल वृत्त के ग्राम हसुआ बलौदा म अवैध कच्ची महुआ शराब के निर्माण अऊ संग्रहण के सूचना प्राप्त होए म आबकारी टीम ह मौका म पहुंचके अलग-अलग क्षमता वाले जरीकेन म भरे कुल 110 बल्क लीटर महुआ शराब जब्त करे हे। नदी किनारे रखे 23 प्लास्टिक झिल्ली म संग्रहित लगभग 690 किलोग्राम महुआ लाहन ल नष्ट करे गीस। जब्त महुआ शराब के अनुमानित बाजार मूल्य 22,000 रूपिया अऊ नष्ट करे लाहन के मूल्य 41,400 रूपिया हे। ये प्रकरण म अज्ञात आरोपी के विरुद्ध छत्तीसगढ़ आबकारी अधिनियम 1915 के धारा मन के तहत प्रकरण कायम कर विवेचना करे जात हे।
इही क्रम म पलारी वृत्त अंतर्गत ग्राम रामपुर म करे गए कार्रवाई म आरोपी अनिल जांगड़े पिता चेतन जांगड़े के कब्जा ले 35 बल्क लीटर महुआ शराब जब्त करे गीस। जब्त मदिरा के बाजार मूल्य 7,000 रूपिया हे। आरोपी के विरुद्ध आबकारी अधिनियम के धारा के उल्लंघन के प्रकरण पंजीबद्ध करके आरोपी ल गिरफ्तार करके न्यायालयीन अभिरक्षा म भेजे गए हे। आबकारी अधिकारी ह कहिन के अवैध मदिरा निर्माण अऊ विक्रय के विरुद्ध कार्रवाई के अभियान आगू घलोक जारी रहिही।
145 बल्क लीटर अवैध महुआ शराब जब्त
