नमक के अवैध भंडारण करैया कन्हैया आर्या किराना स्टोर्स सील

जिला प्रशासन करत हें ताबडतोड़ कारवाई

मुंगेली 13 मई 2020// जिला म खाद्य पदार्थ के अवैध भंडारण अउ कालाबाजारी , बिक्री करैया के अब खैर नई होवय। कलेक्टर डाॅ. सर्वेश्वर नरेंद्र भुरे के निर्देश म खाद्य पदार्थ के अवैध भंडारण अउ कालाबाजारी,बिक्री करैया दुकान वाले के विरूद्ध राजस्व, पुलिस, खाद्य अउ नगरी निकाय के अधिकारि द्वारा लगातार ताबडतोड कार्रवाई करे जावत हे। जेमाआज नगर पालिका मुंगेली के शिवा जी वार्ड में स्थित कृषि उपज मंडी प्रागंण म संचालित कन्हैया आर्या किराना स्टोर्स द्वारा जादा दर म बिक्री करे अउ अवैध रूप ले भंडारित 81 बोरी नमक अउ मंडी गोदाम म भंडारित 47 बोरी नमक जब्त करे गे हे, दुकान सील करके दुकान संचालक के विरूद्ध प्रकरण पंजीबद्ध करके आवश्यक वस्तु अधिनियम के तहत सख्त कार्रवाई करे गिस।

एसनिहे राजस्व, पुलिस, खाद्य अउ नगरी निकाय के अधिकारि द्वारा शिवा जी वार्ड म ही प्रा. नारूमल भोजवानी द्वारा संचालित कृष्णा किराना स्टोर्स के आवास गोदाम म दबिश दे गिस जेहाँ लगभग 30 लाख रूपये के अवैध रूप ले भंडारित 48 बोरी (प्रति बोरी 200 पैकेट) राजश्री, गुटखा 11 पेटी गुडाखू जब्त करके संबंधित के विरूद्ध प्रकरण पंजीबद्ध करके आवश्यक कार्रवाई करे गिस। राम तलेजा के सलौनी नमकीन फैक्टरी मे छापेमारी की कार्रवाई की गई। छापेमारी के दौरान फैक्टरी मे सलौनी निर्माण हेतु उनके कर्मचारी द्वारा बिना मास्क लगाये पैर से मैदा को मिलाया जा रहा था और सलौनी तला जा रहा था ।

माॅ किराना स्टोर्स द्वारा टाटा नमक के खुदरा मूल्य 18 रूपये प्रति पैकेट ल 40 रूपया प्रति पैकेट के दर ले बेचत पाय गिस। जेखर विरूद्ध घलो कार्रवाई करत 25 हजार रू के फाईन (जुर्माना) ले गिस । राधा कृष्णा एजेसीं द्वारा सोशल डिस्टेसिंग के पालन नई करे म एक हजार रू अउ छापामारी कार्रवाई के दौरान न्यू देवांगन पान मसाला के दुकान म अवैध रूप ले गुटखा अउ पान मसाला बिक्री करे ल 20 हजार रू के फाईन (जुर्माना) वसूले गिस । नाप तौल विभाग द्वारा घलो छापेमारी के कार्रवाही करे गिस। छापेमारी के दौरान अग्रवाल ट्रेडर्स द्वारा इलेक्ट्रानिक मशीन के सत्यापित नई करे ल ऊंखर विरूद्ध भी दो हजार रूपया के फाईन (जुर्माना) वसूले गिस । कारवाही म मुंगेली अनुभाग के अनुविभागीय अधिकारी राजस्व श्री चित्रकांत चार्ली ठाकुर, प्रभारी खाद्य अधिकारी श्री विमल दुबे, तहसीलदार श्री अमित सिन्हा सहित पुलिस अउ नगर पालिका मुंगेली के अधिकारी उपस्थित रहिंन।

मुंगेली ले दिलीप बसंत