रायपुर, 12 अप्रैल 2021। छत्तीसगढ़ म अब तक (11 अप्रैल तक) 45 बछर ले अधिक उमर के 33 लाख 52 हजार 706 लोगन ल कोरोना ले बचाव के पहली टीका लगाये जा चुके हे। एमा ले 84 हजार 295 लोगन ह टीका के दूसरा खुराक घलो ले लिए हे। प्रदेश भर म ये आयु वर्ग के कुल 58 लाख 66 हजार 599 लोगन के टीकाकरण के लक्ष्य हे। ये लक्ष्य के 57 प्रतिशत लोगन ल पहली डोज देहे जा चुके हे। स्वास्थ्य कर्मी, फ्रंटलाइन वर्कर्स अऊ 45 बछर लेे अधिक उमर के नागरिक मन ल मिलाके प्रदेश म अब तक कोरोना के टीका के 43 लाख 13 हजार 141 डोज देहे जा चुके हे।
प्रदेश के दू लाख 96 हजार 431 स्वास्थ्य कर्मी अऊ दू लाख 45 हजार 198 फ्रंटलाइन वर्कर्स ल कोरोना ले बचाव के पहली टीका लगाये जा चुके हे। ये दुनों श्रेणी म लक्षित क्रमशः 87 प्रतिशत अऊ 84 प्रतिशत कार्मिक मन ल पहली खुराक देहे जा चुके हे। एक लाख 95 हजार 848 स्वास्थ्य कर्मी अऊ एक लाख 38 हजार 663 फ्रंटलाइन वर्कर्स टीका के दूसरा खुराक घलो ले चुके हे। प्रदेश म शासकीय व निजी क्षेत्र के कुल तीन लाख 38 हजार 844 स्वास्थ्य कर्मी अऊ दू लाख 90 हजार 720 फ्रंटलाइन वर्कर्स के टीकाकरण के लक्ष्य हे।