रायपुर 12 सितंबर 2020। जेईई मेन्स म छत्तीसगढ़ के श्रेया अग्रवाल ह टॉप टेन म जगह बनइस हे। नेशनल टेस्टिंग एजेंसी के डाहर ले पिछु रात जारी परिणाम म श्रेया ह 99.96 पर्सेंटाइल हासिल करे हे। उहें श्रेया के आल इंडिया रैंकिंग 492 हे।
जेईई मेन्स म टॉप 10 म जगह हासिल करइया श्रेया ह अपन सफलता के श्रेय अपन माता-पिता अउ शिक्षक ल देवत हुए कहिन कि आज के जमाना म सोशल मीडिया घलो पढ़ाई के एक माध्यम बन गे हे, लेकिन मैं कभू ओकर सहारा नइ ले हो। कुछ डाउट होय त शिक्षक मन ले पूछत रेहेंव। अइसे कभू कभार ही होवत रिहिस जब मैं नेट के सहारा लेवत रेहेंव ।
श्रेया ह बतइन कि दिन भर म 4 ले 5 घंटा पढ़ाई करत रेहेंव, अउ लगातार 2 साल ले प्रयासरत रेहेंव। अखिरकार वोला अपन मेहनत अउ लगन के फल मिल ही गे। मोला अच्छा इंजीनियरिंग कॉलेज म एडमिशन चाही। उमन कहिन कि अइसे कई छात्र हे, जेन मन काफी प्रयास करत हे, ओकर बाद घलो सफलता नइ मिले। अइसन छात्र ले कहना चाहू कि निरंतर प्रयास करत रहाव सफलता एक दिन जरूर मिलही।
